Drejtuesi 46-vjeçar i autobusit me targa AA 134 DS, Albert Gjeçi nga Durrësi ka mbetur i plagosur rëndë, ndërsa nuk janë regjistruar dëme të tjera në njerëz. Në vendngjarje mësohet se një person ende i paidentifikuar që lëvizte me motor dhe me fytyrë të mbuluar nga kaska ka qëlluar me breshëri automatiku drejt autobusit që po transportonte punëtoret e nje fabrike kepucesh.
Ngjarja ndodhi rreth orës 07:00 në rrugën e re tek zona e ish-Kënetës në Durrës. I plagosuri është dërguar në spitalin e Durrësit ku i është nënshtruar një ndërhyrjeje kirurgjikale dhe ende ndodhet në rrezik për jetën.
Grupi hetimor që ka mbërritur në vendin e ngjarjes ka kryer veprimet e para dhe po punon për identifikimin e autorit dhe zbardhjen e motiveve të ngjarjes, duke nisur hetimin nga konfliktet e mundshme të të plagosurit me persona të tjerë. Ne autobus ka mbetur e gervishtur edhe nje grua, ndersa te gjitha punonjeset kane pesuar tronditje te forte nga situata e kaluar.
/ News-Al
0 comments:
Post a Comment